კახა ცხადაძის 23 რჩეული

საქართველოს ეროვნული საფეხბურთო ნაკრები 2015 წლის ბოლო ორ შეხვედრას ესტონეთსა და ალბანეთში ჩაატარებს. 11 ნოემბერს, ქართველი ფეხბურთელები ტალინში ესტონეთის ეროვნულ გუნდს შეხვდებიან. 16 ნოემბერს კი სტუმრად, ევროპის ჩემპიონატის მონაწილე ალბანეთს დაუპირისპირდებიან. უახლოესი მატჩებისთვის საქართველოს ეროვნული ნაკრების მთავარმა მწვრთნელმა 23 ფეხბურთელი გამოიძახა. კახა ცხადაძის გუნდში ერთი დებიუტანტია. ლუკას ჰუფნაგელი, რომელსაც საქართველოს ასაკობრივ ნაკრებებში უთამაშია, ამჯერად ქვეყნის პირველ გუნდში მიიწვიეს. პოზიციით ნახევარმცველი, 21 წლის ჰუფნაგელი გერმანიის მეორე ბუნდესლიგის „ფრაიბურგის“ წევრია.

ეროვნული ნაკრების შემადგენლობა :

მეკარეები : გიორგი ლორია („კრილია სოვეტოვი“, რუსეთი), ნუკრი რევიშვილი („მორდოვია“, რუსეთი), გიორგი მაკარიძე („ფეირენსე“, პორტუგალია)

მცველები : გიორგი ნავალოვსკი („დილა“, გორი, საქართველო), გიორგი ფოფხაძე („ფლამურტარი“, ალბანეთი), ალექსანდრე ამისულაშვილი („კარშიაკა“, თურქეთი),  გურამ კაშია („ვიტესი“, ჰოლანდია), სოლომონ კვერკველია („რუბინი“, რუსეთი), უჩა ლობჟანიძე („ომონია“, კვიპროსი), ოთარ კაკაბაძე („დინამო თბილისი“, საქართველო), გია გრიგალავა ( „პაფოსი”, კვიპროსი)

ნახევარმცველები : ჯაბა კანკავა („რეიმსი“, საფრანგეთი), სანდრო კობახიძე („ვოლინი“, უკრაინა), თორნიკე ოქრიაშვილი („გენკი“, ბელგია), მათე ცინცაძე („დინამო თბილისი“, საქართველო) ვალერი ყაზაიშვილი („ვიტესი“, ჰოლანდია), ლევან ყენია („სლავია“, ჩეხეთი), მურთაზ დაუშვილი („კარპატი“,  ლვოვი, უკრაინა), გიორგი ჭანტურია („დუისბურგი“, გერმანია), ლუკას ჰუფნაგელი („ფრაიბურგი“, გერმანია)

თავდამსხმელები : მათე ვაწაძე („ორჰუსი“, დანია), ბაჩანა ცხადაძე („ფლამურტარი“, ალბანეთი), ნიკოლოზ გელაშვილი („პაფოსი“, კვიპროსი)

საქართველოს ეროვნული საფეხბურთო ნაკრები მატჩებისთვის 9 ნოემბრიდან ტალინში მოემზადება.

სფფ-ის პრესსამსახური