ბექჰემი: “რონალდუ “რეალში” ბედნიერია, მაგრამ არასდროს თქვა არასდროს”
“მანჩესტერ იუნაიტედის” ყოფილმა ნახევარმცველმა დევიდ ბექჰემმა კრიშტიანუ რონალდუს ინგლისში შესაძლო დაბრუნების შესახებ ისაუბრა.
“ყოველთვის ვამბობდი, რომ რონალდუ აქაურ ფანებს უყვარდათ. იგი არამარტო ნიჭიერი ფეხბურთელი, არამედ შრომისმოყვარეც გახლავთ. ხალხი ამას აფასებს.
როდესაც რონალდუ “მანჩესტერ იუნაიტედში” პირველად გამოჩნდა, მას აქტიურად აკრიტიკებდნენ, მაგრამ არა კლუბის ფანები. რონალდუ განსაკუთრებულად თამაშობს. იგი ბევრს შრომობს, რაც ზოგიერთს უკვირს. სწორედ ეს სძენს მას ასეთ განსაკუთრებულობას.
რონალდუმ “მანჩესტერ იუნაიტედში” დიდებული პერიოდი გაატარა, წარმატებებს მიაღწია და შემდეგ მსოფლიოს კიდევ ერთ უდიდეს კლუბში, მადრიდის “რეალში” გადავიდა. ვფიქრობ, იგი მადრიდში ბედნიერია, მაგრამ არასდროს თქვა არასდროს. არავინ იცის, რა მოხდება მომავალში”, – ბექჰემის კომენტარი Goal.com-მა გამოაქვეყნა.
