კასორლამ ოპერაცია ჩაიტარა
როგორც ცნობილია, ტრავმის გამო ესპანელ ნახევარმცველს რამდენიმე თვის გამოტოვება მოუწევს.
“არსენალის” მთავარი მწვრთნელი არსენ ვენგერი ადასტურებს, რომ სანტი კასორლას დაზიანება მძიმეა და ამის გამო სეზონის დიდ ნაწილს გამოტოვებს.
მოგეხსენებათ, ინგლისის პრემიერ ლიგის მე-14 ტურში, “ნორვიჩის” წინააღმდეგ გამართულ შეხვედრაში, 30 წლის ესპანელი მუხლის არეში სერიოზულად დაშავდა. ამიტომაც, მან ოპერაცია ჩაიტარა.
“სანტის სწრაფად დაბრუნების სურვილი აქვს, რადგან სეზონის მთელი დარჩენილი ნაწილის გამოტოვება არ სურს”, – აცხადებს არსენ ვენგერი.
“კასორლამ ოპერაციის გაკეთება გადაწყვიტა. ექიმებმა მას უთხრეს, თუ რაშიც იყო საქმე, რის შემდეგაც მან განაცხადა, რომ ოპერაციის ჩატარება უმჯობესია”.
“სანტი მთელი სეზონი არ დაგვაკლდება. შესაძლოა, სამი-ოთხი თვის გამოტოვება მოუხდეს”, – დაასრულა “მეთოფეთა” თავკაცმა.
