გალიანი: “მილანს” ძალიან ძლიერი შემადგენლობა ჰყავს”

კლუბის ვიცე-პრეზიდენტი თავის ფეხბურთელებზე საუბრობს.

“ვიცით, რომ წინ მყოფი გუნდების დაწევისთვის ყველა მატჩის მოგებაა საჭირო. ჩვენი მიზნები არ შეცვლილა. მხოლოდ საკუთარ შედეგებზე ვართ ორიენტირებულნი”, – აცხადებს ადრიანო გალიანი.

მოგეხსენებათ, ბოლო პერიოდში აქტიურად ვრცელდება ინფორმაცია, კევინ-პრინს ბოატენგის “მილანში” შესაძლო დაბრუნებასთან დაკავშირებით. გალიანიმ ამაზეც ისაუბრა:

“მილანს” ძალიან ძლიერი შემადგენლობა ჰყავს – 28 კარგი მოთამაშე. დიდი ალბათობით, მათ ბოატენგიც შეუერთდება”.

“არ მინდა, რაიმე ილუზია შევქმნა. დარწმუნებული ვარ, რომ “მილანი” ძლიერი გუნდია, როდესაც 4-4-2 ტაქტიკით თამაშობს და კიდევ უფრო ძლიერი იქნება, როდესაც ნაიჯელ დე იონგი დაბრუნდება”, – დაასრულა “როსონერის” ვიცე-პრეზიდენტმა.