აგენტი: “ბენიტესს ულტიმატუმი არ მიუღია”

ესპანელი სპეციალისტის წარმომადგენელი თავისი კლიენტის შესახებ საუბრობს.

მოგეხსენებათ, მადრიდის “რეალი” ამჟამად ესპანეთის ჩემპიონატის ცხრილში მხოლოდ მესამე ადგილს იკავებს და პირველადგილოსნებს ხუთი ქულით ჩამორჩება.

“სამეფო კლუბზე” ზეწოლა განსაკუთრებით “ვილიარეალთან” განცდილი მარცხის შემდეგ გაძლიერდა. ამ მატჩის მოგების შემთხვევაში, “რეალს” “ბარსელონასთან” და “ატლეტიკოსთან” მხოლოდ ორქულიანი ჩამორჩენა ექნებოდა. ამას გარდა, არსებობს ჭორები, რომ თითქოს რაფაელ ბენიტესმა ფეხბურთელებთან ურთიერთობა გაიფუჭა.

“ულტიმატუმი? ამის შესახებ არაფერი ვიცით. არცერთ ჩვენგანს ოფიციალური ცნობა არ მიუღია. ეს ყველაფერი მხოლოდ სპეკულაციაა”, – აცხადებს ბენიტესის აგენტი გარსია კვილონი.

“ფეხბურთელებთან ურთიერთობა? რაფას ყველასთან ნორმალური ურთიერთობა აკავშირებს”, – დაასრულა მადრიდელთა მთავარი მწვრთნელის წარმომადგენელმა.