ბექჰემი: “იმედია, მოურინიო პრემიერლიგაში მალე დაბრუნდება”

“მანჩესტერ იუნაიტედის” ყოფილმა ნახევარმცველმა დევიდ ბექჰემმა კლუბის მთავარი მწვრთნელის პოსტზე ჟოზე მოურინიოს შესაძლო დანიშვნასთან დაკავშირებით კომენტარის გაკეთება არ ისურვა, თუმცა იმედი გამოთქვა, რომ პორტუგალიელი სპეციალისტი ინგლისის პრემიერლიგაში მალე დაბრუნდება.

“ჩემი მხრიდან უპატივცემულობა იქნება, რომ “მანჩესტერ იუნაიტედში” მოურინიოს შესაძლო მისვლაზე ლაპარაკი დავიწყო, რადგან გუნდს ჰყავს მწვრთნელი.

რაც შეეხება თავად მოურინიოს, იგი მსოფლიოში ერთ-ერთი საუკეთესო სპეციალისტია. მან გასულ სეზონში პრემიერლიგა თითქმის ამ შემადგენლობით მოიგო, ამიტომ წლევანდელ გათამაშებაში გუნდის ასეთი კრახი გასაკვირია. იმედი მაქვს, რომ მოურინიო მალე დაბრუნდება პრემიერლიგაში, რადგან ინგლისელ გულშემატკივარს იგი უყვარს, ფანებს მოსწონთ მისი ხასიათი”, – ბექჰემის კომენტარი A bola-მ გამოაქვეყნა.