“სუონსი” ნეისმიტით დაინტერესდა

დიდი ალბათობით, იანვარში 29 წლის ფეხბურთელი სამუშაო ადგილს შეიცვლის.

როგორც ცნობილია, სტივენ ნეისმიტისთვის ბრძოლაში “ნორვიჩსა” და “ასტონ ვილას” “სუონსი” შეუერთდა.

მოგეხსენებათ, შოტლანდიელი შემტევი “ქეროუ როუდზე” გადაბარგებით თავად იყო დაინტერესებული, თუმცა, როგორც ჩანს, მოლაპარაკებები ჩიხში შევიდა, უელსელებმა კი ფეხბურთელის მიმართ უკვე გამოხატეს ინტერესი.

“ვიცი, რომ ნეისმიტის შეძენა შესაძლებელია. ის ბრწყინვალე მოთამაშეა. ახალ ცენტრფორვარდს კვლავ ვეძებთ. სტივენი თავდასხმაში თამაშობს, მაგრამ ჩვენ ვაინტერესებთ”, – განაცხადა “სუონსის” მენეჯერმა ალან კერტისმა.

შეგახსენებთ, ინგლისის პრემიერ ლიგის მიმდინარე სეზონში, ნეისმიტმა “ევერტონის” მაისურით ამ დროისთვის ათი მატჩი ჩაატარა და მეტოქეთა კარი სამჯერ აიღო. აღსანიშნავია, რომ სამივე ბურთი მან ერთ შეხვედრაში, ლონდონის “ჩელსის” კარში გაიტანა.