კლოპი: „მანჩესტერ იუნაიტედის გაწვრთნა შემეძლო“

„ლივერპულის“ მთავარი მწვრთნელის იურგენ კლოპის თქმით, 2013 წელს მას „მანჩესტერ იუნაიტედში“ სერ ალექს ფერგიუსონის ადგილის დაკავება შეეძლო.

„მანჩესტერ იუნაიტედი“ დამიკავშირდა. დიდი ხანი არ გვისაუბრია, მაგრამ ჩემთვის ეს, რა თქმა უნდა, ბევრს ნიშნავდა. ეს დიდი პატივი იყო.

როდესაც მანჩესტერელები ჩემით დაინტერესდნენ, დორტმუნდის დატოვება არ შემეძლო. 2013 წლის აპრილი იყო, შემდეგი სეზონისთვის გეგმებს ვაწყობდი. სატრანსფერო მიზნებთან ახლოს ვიყავით, ასეთ სიტუაციაში წასვლა არ შემეძლო. ასე არ უნდა ხდებოდეს.

რეალური წინადადება არ მიმიღია, მაგრამ, ნებისმიერ შემთხვევაში, მას ვერ დავთანხმდებოდი. შესაძლოა, ეს ჭკვიანური გადაწყვეტილება არ იქნებოდა, მაგრამ სხვანაირად არ შემიძია. ყოველთვის „ბორუსიას“ ერთგული ვიყავი. იგივეს „მაინცზეც“ ვიტყოდი“, – ციტირებს კლოპს Goal.com-ი.