ლეგიონერები: ევროთასებზე ჯგუფურის ბოლო ტურია
ევროპული პროფესიული კლუბური რაგბის ჩემპიონთა და ჩელენჯ თასებზე სეზონის ჯგუფური ეტაპის დასრულებამდე ერთი ტური რჩება.
ჩემპიონთა თასი
23/01, 19:15 სთ – მე-5 პულში, მამუკა გორგოძის, ლევან ჩილაჩავასა და კოტე მიქაუტაძის ‘ტულონი’ გასვლაზე ინგლისურ ‘ბასს’ ეთამაშება. ამ ეტაპზე ტულონი 16 ქულით პირველ ადგილზეა. სასტარტო შემადგენლობაში სამეულიდან მხოლოდ ლევან ჩილაჩავაა, გორგოძე სათადარიგოშია. მიქაუტაძე სამატჩო განაცხადში არაა.
23/01, 21:30 სთ – შალვა მამუკაშვილი ‘გლაზგო ვორიორზი’ შინ დავით ხინჩაგიშვილის ‘რასინგს’ მე-3 პულში ხვდება, სადაც 22 ქულით სწორედ ხინჩაგიშვილის რასინგი ლიდერობს. მამუკაშვილი სასტარტოშია, ხოლო ხინჩაგიშვილი მარქაფაში.
23/01, 17:00 სთ – ხვალინდელი გიორგი ვეფხვაძის ‘ოიონა’ გასვლაზე ‘ალსტერის’ შეხვდება.
მატჩების განრიგი და ანგარიშები
პულები
‘ჩელენჯ ქაფი’
22/01, 22:30 სთ – დღეს ‘ჩელენჯ ქაფის’ მე-6 ტურის მატჩებიდან ერთ-ერთში ჯაბა ბრეგვაძის ‘ვუსტერ ვორიორზს’ გაგი ბაზაძისა და ლექსო ყაულაშვილის ‘ლა როშელი’ უმასპინძლებს. ბაზაძე სათადარიგოშია, ყაულაშვილი და ბრეგვაძე განაცხადებში არ არიან.
22/01, 23:45 სთ – გვიან ღამით ლეგიონერების კიდევ ერთ მატჩს ვიხილავთ. ‘ჰარლეკინზის’ წინააღმდეგ ‘მონპელიეს’ ძირითადში მიხეილ ნარიაშვილი, ხოლო შეცვლაზე დავით ქუბრიაშვილი არიან.
23/01, 23:45 – 24 საათში კიდევ ერთ ინგლისურ-ფრანგულ დუელში თაზო მჭედლიძის, გიორგი თეთროშვილისა და გიორგი მარგველანის ‘აჟენი’ შინ ‘ლონდონ აირიშს’ მიიღებს. თეთროშვილი ძირითადშია, ხოლო მჭედლიძე მარქაფაში, მარგველანი სამატჩო განაცხადში არაა.
23/01, 19:00 სთ – პირველ პულში მოასპარეზე დავით კაჭარავას ‘ენისეი’ ხვალ სტუმრად ‘კონახტს’ ეწვევა. ენისეის პულში 8 ქულა აქვს და ბოლო ადგილს იკავებს, კონახტი კი ჯგუფის ლიდერს მხოლოდ 1 ქულით ჩამორჩება და 14 ქულით მეორე ადგილზეა.
მატჩების განრიგი და ანგარიშები
Rugby.GE
