სუარესი: “ეჭვი მეპარებოდა, რომ “ბარსელონას” სტილს შევეწყობოდი”
“ბარსელონას” თავდამსხმელმა ლუის სუარესმა აღნიშნა, რომ კატალონიურ კლუბში გადასვლისას დარწმუნებული არ იყო, რომ გუნდს შეეწყობოდა.
“პირველ რიგში, ეჭვი მეპარებოდა, რომ “ბარსელონას” სათამაშო სტილს შევეწყობოდი. “ბარსა” “ტიკი-ტაკას” თამაშობს და ვიფიქრე, რომ ჩემს შესაძლებლობებს სრულყოფილად ვერ გამოვავლენდი, რადგან საკმარისი სივრცე არ იქნებოდა მანევრირებისთვის, მაგრამ თანაგუნდელები დამეხმარნენ, ლუის ენრიკემ კი მე-9 ნომრის პოზიციაზე დამაყენა, სადაც თავს კომფორტულად ვგრძნობ.
მესისთან და ნეიმართან შესანიშნავი ურთიერთობა მაქვს. ისინი გუნდის ძრავას წარმოადგენენ. იგივეს თქმა შემიძლია ინიესტაზე.
თუ თანაგუნდელებთან მოედნის მიღმა კარგი ურთიერთობა გაქვს, დარწმუნებული იყავით, რომ მოედანზეც ასე იქნება. მათ ჩემი მისვლა მიიღეს, როგორც გუნდის დახმარება და არა კონკურენტის დამატება”, – ციტირებს სუარესის სიტყვებს Football Espana.
