20 წლამდელები სამხრეთ ამერიკულ ტურნეში გაემგზავრნენ
უმცროსმა ბორჯღალოსნებმა შაბათს შევარდენზე წლის მეოთხე შეკრება დაასრულეს და დღეს გამთენიისას სამხრეთ ამერიკულ ტურნეში გაემგზავრნენ. ვოიაჟი 6 მარტამდე გასტანს. 20 წლამდელები ჯერ არგენტინაში ჩავლენ, სადაც ორ მატჩს ‘პუმიტასთან’ (20წ არგენტინა) გამართავენ. შემდეგ, ‘ტერიტოსთან’ (20წ ურუგვაი) სათამაშოდ ურუგვაიში გაემგზავრებიან.
მატჩების განრიგი საქართველოს დროით
არგენტინა – საქართველო
20 თებერვალი, ბუენოს აირესი – 00:00 სთ
24 თებერვალი, ბუენოს აირესი – 22:30 სთ
ურუგვაი – საქართველო
28 თებერვალი, მონტევიდეო – 23:00 სთ
4 მარტი, მონტევიდეო – 23:00 სთ
სამხრეთ ამერიკული ტურნე 16/02-06/03/2016#უმცროსიბორჯღალოსნები #U20ბორჯღალოსნები სამხრეთ ამერიკული ტურნე 16/02-06/03/2016უმცროსმა ბორჯღალოსნებმა შაბათს შევარდენზე წლის მეოთხე შეკრება დაასრულეს და დღეს გამთენიისას სამხრეთ ამერიკულ ტურნეში გაემგზავრნენ. ვოიაჟი 6 მარტამდე გასტანს. 20 წლამდელები ჯერ არგენტინაში ჩავლენ, სადაც ორ მატჩს ‘პუმიტასთან’ (20წ არგენტინა) გამართავენ. შემდეგ, ‘ტერიტოსთან’ (20წ ურუგვაი) სათამაშოდ ურუგვაიში გაემგზავრებიან.მატჩების განრიგი საქართველოს დროითარგენტინა – საქართველო20 თებერვალი, ბუენოს აირესი – 00:00 სთ24 თებერვალი, ბუენოს აირესი – 22:30 სთურუგვაი – საქართველო28 თებერვალი, მონტევიდეო – 23:00 სთ4 მარტი, მონტევიდეო – 23:00 სთ
Posted by საქართველოს რაგბის კავშირი / Georgian Rugby Union (Official) on Tuesday, 16 February 2016
როგორც წინა კვირას გაცნობეთ, მასპინძლებმა განაცხადეს, რომ სამწუხაროდ მატჩები არც ტელევიზიითა და არც სთრიმით არ გადმოიცემა. აქედან გამომდინარე, ქართული რაგბის ქომაგობა ინფორმაციულ ვაკუუმში, რომ არ ვამყოფოთ, იწარმოებს უკვე ნაცადი ხერხი – ტექსტური ლაივი.
ტექსტური ლაივი თვითერზე
ტრადიციულად ტექსტური ლაივი საქართველოს რაგბის კავშირის ოფიციალურ ფეისბუქ გვერდზე იმართებოდა, მაგრამ ამიერიდან ტექსტურ ლაივს თვითერის გვერდზე გავმართავთ.
საქართველოს რაგბის კავშირის ოფიციალური თვითერი >> @GeorgianRugby
მსოფლიოსთვის მზადება
შარშან მსოფლიო რაგბის 20-წლამდელთა ალაფის მოგებით უმცროსმა ბორჯღალოსნებმა ქართული რაგბის ისტორიაში პირველად მოიპოვეს ახალგაზრდულ მსოფლიო ჩემპიონატზე ასპარეზობის უფლება, სადაც სარაგბო სამყაროს 12 ელიტურ გუნდს შორის იასპარეზებენ. წლევანდელი ტურნირი 5-დან 25 ივნისის ჩათვლით მანჩესტერში გაიმართება.
წილისყრის შედეგად საკმაოდ ძლიერ ‘ა’ ჯგუფში მოვხვდით, სადაც უმცროსი ბორჯღალოსნები უელსელ, ირლანდიელ და ახალ ზელანდიელ თანატოლებს ერკინებიან.
ჯგუფური ეტაპის მატჩების განრიგი:
7 ივნისი – ახ. ზელანდია – საქართველო;
11 ივნისი – უელსი – საქართველო;
15 ივნისი – ირლანდია – საქართველო;
სხვა დონის ტურნირზე გასვლა, შესაბამისად ახალი გამოწვევაა ქართული რაგბისთვის და მისთვის მზადება ახლებურადაა საჭირო. 2015 წლის მსოფლიო თასის მსვლელობისას ინგლისში საქართველოს, არგენტინისა და ურუგვაის რაგბის კავშირების პრეზიდენტებმა მოილაპარაკეს, რომ უმცროსი ბორჯღალოსნები თებერვალში სამხრეთ ამერიკულ ტურნეში გაემგზავრებიან, სადაც ორ-ორ მატჩს არგენტინელ და ურუგვაელ თანატოლებთან გამართავენ, რაც ჩვენი ბიჭებისთვის მსოფლიო ჩემპიონატისთვის მოსამზადებელ ერთ-ერთ ეტაპს წარმოადგენს.
Rugby.HE
