ფერნანდო ტორესს “ატლეტიკოს” დატოვება არ სურს
თარიღი: თებერვალი 20, 2016
მადრიდის “ატლეტიკოს” თავდამსხმელმა ფერნანდო ტორესმა განაცხადა, რომ მისთვის სხვა კლუბების შემოთავაზებები არასაინტერესოა, რადგან მშობლიურ კლუბში დარჩენა სურს. შეგახსენებთ, რომ ესპანელ ფეხბურთელს “ატლეტიკოსთან” საიჯარო შრომითი ხელშეკრულება მიმდინარე წლის ზაფხულში ეწურება.
“პირველი იანვრიდან სხვა კლუბების წინადადებების განხილვა შემეძლო, თუმცა მე სხვების შემოთავაზებები არ მაინტერესებს. მინდა, რომ “ატლეტიკოსთან” ერთად ისეთი რამე მოვიგო, რაც აქამდე არ მომიგია. მინდა, რომ გუნდისთვის მნიშვნელოვანი როლი შევასრულო. “ატლეტიკოში” დაბრუნების შემდეგ რეგულარული პრაქტიკა არ მქონია. მე ამას შესაძლოა, არ ვიმსახურებ. ალბათ, უფრო მონდომებით უნდა ვივარჯიშო”, – ტორესის კომენტარი “მარკამ” გამოაქვეყნა.
მსგავსი სიახლეები