მესი: “ვიცოდით, რომ “არსენალი” ჩვენს ზეწოლას ვერ გაუძლებდა”

უეფას ჩემპიონთა ლიგის მერვედფინალურ ეტაპზე ლონდონის “არსენალსა” და “ბარსელონას” შორის გამართული პირველი შეხვედრა ანგარიშით 0:2 დასრულდა. ორივე გოლი კატალონიელთა ლიდერმა ლიონელ მესიმ გაიტანა, რომელმაც დაფიქსირებული შედეგით კმაყოფილება გამოხატა.

“ბარსელონამ” საკმაოდ ძლიერი მეტოქის წინააღმდეგ მშვენიერი მატჩი ჩაატარა. პირველ ტაიმში მჭიდროდ გვეთამაშებოდნენ, თუმცა ვიცოდით, რომ შეხვედრის მეორე ნახევარში “არსენალი” ჩვენს ზეწოლას ვერ გაუძლებდა. გასვლითი მატჩისთვის შესანიშნავი შედეგია, თუმცა საპასუხო შეხვედრა ჯერ კიდევ ჩასატარებელი გვაქვს”, – მესის კომენტარი უეფას ოფიციალურ ვებგვერდზე გამოქვეყნდა.

ცნობისთვის, “ბარსელონასა” და “არსენალს” შორის განმეორებითი მატჩი 16 მარტს გაიმართება.