ვან დერ სარი ჰოლანდიურ კლუბში ითამაშებს

“მანჩესტერ იუნაიტედის” ყოფილი მეკარე, ედვინ ვან დერ სარი რამდენიმე დღეში ჰოლანდიური კლუბის მაისურს მოირგებს.

ჰოლანდიელმა კიპერმა 2011 წელს კარიერა მანჩესტერულ კლუბში დაასრულა, თუმცა, მას სურს, 12 მარტს “ნორდვაიკს” “ჯოდან ბოიზთან” გასამართ მატჩში დაეხმაროს.

“ნორდვაიკი” ის გუნდია, სადაც ვან დერ სარი 15 წლიდან 20 წლამდე თამაშობდა. ახლა ეს კლუბი ქვეყნის რანგით მეოთხე დივიზიონში მეორე პოზიციას იკავებს და ლიდერ “ქვიქ ბოიზს” ოთხი ქულით ჩამორჩება.

ცნობილია, რომ “ნორდვაიკის” ხელმძღვანებლობამ ჰოლანდიის ფეხბურთის ასოციაციას თხოვნით მიმართა, ამ ორგანიზაციამ კი მათ თანხმობა განუცხადა. ვან დერ სარი მხოლოდ ერთ მატჩში მიიღებს მონაწილეობას.