Fanebi.Com 8 წლის გახდა!
სპორტით დაინტერესებულ საზოგადოებაში Fanebi.Com ყველამ იცის და ისიც იციან, რომ ჩვენი პროექტი მუდმივად ცდილობს გაიზარდოს და განვითარდეს. გვინდა გაცნობოთ, რომ დღეს ჩვენი საიტი 8 წლის გახდა.
Fanebi.Com-მა მუშაობა 2008 წლის 15 მარტს დაიწყო და მას შემდეგ ბევრი “ქარიშხალი” გამოიარა.
ეს იყო ერთ-ერთი პირველი ქართული სპორტული გამოცემა (თუ არა პირველი). სწორედ 15 მარტს 2008 წელს დაიბადა იდეა, რომ ქართველ გულშემატკივარსაც ჰქონოდა ქართული, ობიექტური, ინოვაციური და სანდო საინფორმაციო წყარო.
არ მოგაწყენთ თავს იმის შეხსენებით, თუ რამდენი ინოვაციური და საინტერესო პროექტი შემოგთავაზეთ ამ 7 საინტერესო წლის განმავლობაში. ჩვენმა აქტიურმა მკითხველმა იცის ამ ყველაფრის შესახებ. არც იმის შეხსენება არის საჭირო, რომ ჩვენი ამომავალი წერტილი ჩვენი მომხმარებელი იყო ყოველთვის.
ჩვენი მისია და მიზანიც ნათელია. ასევე ნათელია ჩვენი აუდიტორიაც. ეს გემოვნებიანი, ინოვაციების მოყვარული, ინტერესიანი, სპორტული ჟინის მქონე მომხმარებელია. განსხვავებით სხვა საიტებისგან, რომლებიც ორიენტირებული არიან ნებისმიერი ტიპის სათაურის და ინფორმაციის გამოქვეყნებაზე, ოღონდ ვიზიტორი “შეიტყუონ” საიტზე, ჩვენი მიზანი ისეთი ინოვაციების და ხარისხის დანერგვაა, რაც ბუნებრივად გაზრდის ლოიალური მომხმარებლის რიცხვს.
როგორც ამ პროექტის დამფუძნებელი, ვამაყობ ჩვენი განვლილი გზით. ჩვენ ბევრ რთულ მოცემულობას, იმედგაცრუებას გავუძელით და მოვედით დღემდე. ეს ნამდვილად არ იყო ადვილი… ვამაყობ ჩვენი გუნდით, რომელიც ნამდვილად ძალიან ბევრს შრომობს შედეგის და მაღალი ხარისხის პროდუქტის შესაქმნელად.
მადლობა ყველა იმ ადამიანს ვინც ჩვენს პროექტს გულშემატკივრობს და ასევე მადლობა ჩვენს პარტნიორ კომპანიებს.
გილოცავთ კიდევ ერთხელ, Fanebi.Com – 8 წელი თქვენს გვერდით!
პატივისცემით,
გურამი თათეშვილი
Fanebi.Com-ის დამფუძნებელი
