მესი: “დღეს კიდევ ერთმა ლეგენდამ დაგვტოვა”
თარიღი: მარტი 25, 2016
“ბარსელონასა” და არგენტინის ნაკრების ლიდერი ლიონელ მესი ლეგენდარული ჰოლანდიელი ფეხბურთელის, იოჰან კრუიფის გარდაცვალების ფაქტს გამოეხმაურა.
“დღეს კიდევ ერთმა ლეგენდამ დაგვტოვა”, – დაწერა სოციალურ ქსელში მესიმ.
იოჰან კრუიფი ხუთშაბათს, 68 წლის ასაკში გარდაიცვალა. იგი ფილტვის სიმსივნეს ებრძოდა.
იოჰან კრუიფი ყველა დროის ერთ-ერთ საუკეთესო ფეხბურთელად ითვლება. მას სამჯერ აქვს მოგებული “ოქროს ბურთი” — 1971, 1973 და 1974 წლებში.
კრუიფმა “აიაქსის” შემადგენლობაში რვაჯერ მოიგო ჰოლანდიის ჩემპიონატი, სამჯერ ჩემპიონთა თასი, “ბარსელონას” რიგებში ერთხელ დაეუფლა ესპანეთის ჩემპიონატის ტიტულს, ჰოლანდიის ნაკრებთან ერთად კი 1974 წლის მსოფლიოს ჩემპიონატის ვერცხლის მედალი მოიგო.
მსგავსი სიახლეები