დუგლას კოსტა: “მიუნჰენის ბაიერნში გადასვლამ ჩემი ცხოვრება შეცვალა”
ბაიერნის წლევანდელმა აღმოჩენამ, დუგლას კოსტამ კლუბის ოფიციალურ საიტთან ინტერვიუში საქებარი სიტყვები არ დაიშურა -“ბაიერნში გადასვლამ ჩემი ცხოვრება შეცვალა”, “ბაიერნი მსოფლიოს ერთ-ერთი საუკეთესო კლუბია” და ა.შ.
“ძალიან ბედნიერი ვარ, რომ ბაიერნში მოვხვდი. ვფიქრობ ჩემი შესაძლებლობები გუნდს ძალიან მოუხდა. რაც მთავარია ადაპტაცია თითქმის არ დამჭირვებია და ამაში თანაგუნდელები დამეხმარნენ”. დუგლას კოსტა ბაიერნმა წინა ზაფხულს 30 მილიონ ევროდ შეიძინა და თამამად უნდა ითქვას ამ ფულით უკეთესს ვერაფერს იზამდა.
“ბაიერნი ევროპის ერთ-ერთი საუკეთესო კლუბია! ბრაზილიაში მის შესახებ ყველამ ყველაფერი იცის და ჩვენს თამაშებსაც ხშირად უყურებენ”. მიუხედავად იმისა, რომ ჯერ ბაიერნში კარიერის დასრულებაზე არ საუბრობს და საუცხოო ტექნიკის მფლობელი კოსტა გოლის გატანისას წითლების გერბს არ კოცნის, როგორც თავად ამბობს “აქ ყველაფრით კმაყოფილია”.
აღსანიშნავია, რომ კოსტა გულშემატკივრების აზრით 2015/16 ბუნდესლიგის პირველი წრის საუკეთესო ფეხბურთელია. მართალია მეორე წრე მან ტრამვის შემდეგ ცოტათი ცუდად დაიწყო, მაგრამ ბაიერნის ლიგის მოგების ერთ-ერთი იმედი სწორედ ყოფილი “შახტიორელი” მუქი ბიჭი დიეგო კოსტაა. ამ უკანასკლელმა წელს საერთო ჯამში ბაიერნის მაისურით – 25 მატჩში 5 გოლი და 18 შედეგიანი გადაცემა მიითვალა.
