ქეროლის ჰეთ-ტრიკმა “ვესტ ჰემს” ლონდონური დერბი ვერ მოაგებინა

დღეს, “ვესტ ჰემის” საშინაო არენაზე საკმაოდ მნიშვნელოვანი მატჩი გაიმართა. ერთმანეთს ჩემპიონთა ლიგის საგზურისთვის მებრძოლი “ვესტ ჰემი” და ჩემპიონობისთვის მებრძოლი “არსენალი” დაუპირისპირდნენ.

მატჩი “მეთოფეთა” აშკარა უპირატესობით დაიწყო, რაც უმალვე გარდაისახა იოზილისა და სანჩესის გოლებში (ორივე მათგანს აივობიმ გაუკეთა საგოლე გადაცემა).

ბევრს მატჩის დასასრული ეგონა ის, რაც საბოლოოდ დასაწყისი გამოდგა: მატჩის მიწურულს, ენდი ქეროლმა 3 წუთში ორი გოლის გატანა მოახერხა, რითიც თავის გუნდს უდიდესი ფსიქოლოგიური უპირატესობა მოუტანა.

მატჩის მეორე ნახევრის დაწყებიდან მალევე ქეროლმა ჰეთ-ტრიკი გაიფორმა. შემდგომში ძალიან ბევრი სახიფათო მომენტი შეიქმნა, თუმცა გოლის გატანა მხოლოდ ლორან კოშელნიმ შესძლო, 3-3.

ვესტ ჰემი: ადრიანი, რიდი, კრისუელი, ტომკინსი(ემენიკე ’46), ოგბონა, კოუიატე, ნობლი, პაიე, ლანცინი, ანტონიო, ქეროლი.

არსენალი: ოსპინა, პაულისტა, კოშელნი, მონრეალი, ბელერინი, იოზილი, სანჩესი, კოკლენი (რემზი 61′), ელნენი(ჟირუ 68′), აივობი, უელბეკი(უოლკოტი 82′).