“ბაიერნის” ხელმძღვანელმა ედეგორთან კავშირი დაადასტურა

მიუნხენის “ბაიერნის” სპორტულმა დირექტორმა, მატიას ზამერმა მადრიდის “რეალის” ახლაგაზრდა ფეხბურთელთან, მარტინ ედეგორთან კონტაქტი დაადასტურა.

როგორც იცით, 17 წლის ფეხბურთელის დებიუტი გასული სეზონის ბოლოს შედგა, თუმცა მას შემდეგ ის ესპანური გრანდის რიგებში არ გამოჩენილა.

“ამ ბიზნესში ყოველთვის არის ისეთი სიტაუციები, როდესაც სიგნალებს იღებ. შენ კი რა თქმა უნდა, კონტაქტს ყველასთან ინარჩუნებ. ამაზე დებატების გამართვა არ ღირს.

“რეალში” გადაბარგება მისი გადაწყვეტილება იყო, რომელსაც პატივი უნდა ვცეთ. ის ძალიან კარგი ფეხბურთელია, თუმცა მეტი აგრესიულობა მართებს.”