16-წლამდელებმა უეფას განვითარების თასზე მესამე მატჩიც დათმეს

საქართველოს 16-წლამდე ნაკრებმა უეფას განვითარების თასზე მესამე შეხვედრა ჩაატარა და ხორვატიასთან 2:3 დამარცხდა. მატჩი ბულგარეთში, ალბენას სპორტულ კომპლექსში გაიმართა. საქართველოს ნაკრებიდან გოლები თეიმურაზ გაბუნიამ და გიორგი გულიაშვილმა გაიტანეს, გუნდის კაპიტანმა გიორგი ივანიაძემ კი პენალტი გააცუდა.

გურამ ასპინძელაშვილმა ხორვატიასთან ასეთი შემადგენლობა ათამაშა:

ბულისკერია, ბასარია (კაპანაძე), გაბედავა (ბუიღლიშვილი), ხარაბაძე (ჯინჯოლავა), დავითაშვილი (გრძელიძე), ბაბუნაძე (გობრონიძე), გაბუნია (გულიაშვილი), ივანიაძე, გელაშვილი, მექვაბიშვილი, ფაღავა (დარცმელია).

ტურნირის მეორე მატჩში რუმინეთმა 0:0 ფრის შემდეგ პენალტების სერიაში 3:2 დაამარცხა მასპინძელი ბულგარეთი და პირველი ადგილი არავის დაუთმო.

სფფ-ის პრესსამსახური