ალეგრი: „გაგეცინებათ, თუ წაიკითხავთ, სეზონის დასაწყისში ჩვენზე რას წერდნენ“

„იუენტუსის“ მთავარმა მწვრთნელი მასიმილიანო ალეგრი იტალიის ჩემპიონობის ოფიციალურად გაფორმებით კმაყოფილია.

„ეს საოცრებაა, თუმცა კონცენტრაცია უნდა შევინარჩუნოთ, წინ „მილანთან“ თასის ფინალი გველის. ბოლო 25 მატჩიდან 24 შეხვედრის მოგება უნიკალური მიღწევაა, მიუხედავად იმისა, რომ შესაძლოა, სხვა გუნდმა ეს შედეგი გააუმჯობესოს.

ჩვენი მიზანი შობისთვის ლიდერისგან ექვსი ქულით ჩამორჩენა იყო, მარტისთვის კი მეორე ადგილზე გასვლას ვგეგმავდით. უნდა ვთქვა, რომ მოლოდინს გადავაჭარბეთ. „ნაპოლის“ ჩინებული სეზონი ჰქონდა, თუმცა მას ვაჯობეთ. თანაც, ნეაპოლიტანელთა ქულების რაოდენობით გუნდები ჩემპიონები ხდებიან.

ცუდი დასაწყისის შემდეგაც ვიცოდი, რომ კარგი სეზონი გვექნებოდა. ამბობდნენ, ცუდად ვთამაშობდით, მაგრამ ეს უბრალო მაჩები იყო. გაგეცინებათ, თუ წაიკითხავთ, სეზონის დასაწყისში ჩვენზე რას წერდნენ“, – ციტირებს ალეგრიმ Goal.com-ი.