არგენტინის ნაკრებმა ჩილე დაამარცხა (ვიდეო)

7 ივნისს, კოპა ამერიკაზე, ერთმანეთს D ჯგუფის წარმომადგენლები – არგენტინისა და ჩილეს ეროვნული ნაკრებები დაუპირისპირდნენ.

შეხვედრაში ანგარიში 51-ე წუთზე გაიხსნა – ევერ ბანეგას პასის შემდეგ ანხელ დი მარიამ ჩილელთა კარი აიღო. დაახლოებით რვა წუთში, ასისტენტის როლში თავად დი მარია მოგვევლინა, გოლი კი ბანეგამ გაიტანა – 2:0. საბოლოო ანგარიში 93-ე წუთზე ჩილელმა ნახევარმცველმა, ფუენსალიდამ დააფიქსირა, რომელმაც სერგიო რომეროს კარში გოლი თავური დარტყმით გაიტანა.

არგენტინა 2:1 ჩილე
გოლები: დი მარია 51′, ბანეგა 59′ – ფუენსალიდა 93′
გაფრთხილებები: დი მარია 65′, როხო 69′ – ვიდალი 19′, ისლა 44′, მედელი 65′, ბოსეხური 86′

არგენტინა: რომერო, მერკადო, ოტამენდი, როხო, რამირო ფუნეს მორი, მაშკერანო, ფერნანდესი, დი მარია (ლამელა 80′), გაიტანი (კრანევიტერი 87′), ბანეგა, იგუაინი (აგუერო 74′).

ჩილე: ბრავო, ხარა, მენა (ორელანა 54′), ვიდალი, ისლა, დიასი, მედელი, ვარგასი (პინილია 68′), არანგესი (ფუენსალიდა 82′), ბოსეხური, სანჩესი.