რუნი: “რუსებმა გოლი არაფრისგან გაგვიტანეს”

ევროპის ჩემპიონატის B ჯგუფში ინგლისისა და რუსეთის ნაკრებებს შორის გამართული მატჩი ფრედ, ანგარიშით 1:1 დასრულდა. “ლომებმა” გამარჯვება 92-ე წუთზე ვასილი ბერეზუცკის მიერ გატანილი გოლის წყალობით გაუშვეს ხელიდან. მატჩის შესახებ ინგლისელთა კაპიტანმა უეინ რუნიმ ისაუბრა.

“უკეთ ვითამაშეთ, თუმცა შანსები ვერ გამოვიყენეთ. იმედგაცრუებულნი ვართ. მატჩის მიმდინარეობას ვაკონტროლებდით და უნდა მოგვეგო, თუმცა ბოლო წუთზე გაშვებული გოლის გამო გამარჯვება ხელიდან გავუშვით. ვიცოდით, რომ რუსეთის ნაკრების თავდამსხმელები მეორე სართულზე კარგად თამაშობენ. სამწუხაროდ, სწორედ საჰაერო ორთაბრძოლაში გვაჯობეს და ისე გაიტანეს. ასეთ სიტუაციაში ყოველთვის შეიძლება მიიღო “გოლი არაფრისგან”. სამწუხაროდ, ახლაც ასე მოხდა”, – აღნიშნა რუნიმ.