იენს ლემანი: “ეს ის გერმანია აღარ არის”
გერმანიის ეროვნული ნაკრების ყოფილმა მეკარემ, იენს ლემანმა გერმანიისა და პოლონეთის ნაკრებების დაპირისპირებაზე ისაუბრა, რომელიც ფრედ, 0-0 დასრულდა.
“გერმანიას გაცილებით უფრო გულმოდგინედ უნდა ეთამაშა. სიმართლე გითხრათ გერმანიის თამაშმა იმედგაცრუებული დამტოვა.
ძლიერი გუნდის წინააღმეგ მოგვიწია თამაში; არც ისე საშიშები ვიყავით, როგორებიც უნდა ვყოფილიყავით. ეს ის გერმანია არ არის, რომელიც გასულ მუნდიალზე ვიხილეთ – ფიზიკური ძალა კვლავ ისეთივეა, თუმცა მენტალურად რაღაც გვაკლია.
რაც შეეხება მარიო გიოტცეს, დარწმუნებული არ ვარ, რომ ცრუ ფორვარდის პოზიციაზე ის საუკეთესოა. ის ძალიან პატარაა, იმისათვის რომ სიტუაცია გაამწვავოს, თანაც მისი მიმართულებით არავინ აწოდებდა ბურთს. მე მიულერს ვათამაშებდი მის ნაცვლად, შემდეგ კი გომესს შემოვიყვანდი.
გასაკეთებელი ჯერ კიდევ ბევრია. ძალიან გვაკლია მიროსლავ კლოზე. ამასთანავე ვფიქრობ, რომ რამოდენიმე ფეხბურთელი ზედმეტად არის გადაღლილი.”
