კრიშტიანუ რონალდუს პორტუგალია ევროპის ჩემპიონატის ნახევარფინალშია

ახლახან დასრულდა ევრო 2016-ის მეოთხედფინალური ეტაპის პირველი მატჩი, რომელიც საკმაოდ საინტერესო და დაძაბული აღმოჩნდა. ნახევარფინალის საგზურისათვის მარსელში ერთმანეთს პოლონეთისა და პორტუგალიის ნაკრებები დაუპირისპირდნენ.

მატჩში ანგარიში მალევე გაიხსნა – მატჩის მეასე წამზე ბურთი რუი პატრისიოს უკან მდებარე ბადეში გაეხვა, რაც რობერტ ლევანდოვსკის დამსახურებაა. “ბაიერნის” ფორვარდის მიერ გატანილი გოლი უსწრაფესი იყო ევრო 2016-ზე.

გაშვებული გოლის შემდეგ პორტუგალიელებმა მატჩის სადავეები ხელთ იგდეს და მეტოქის კარს მაქსიმალურად შეუტიეს. ანგარიშის გათანაბრება ფერნანდუ სანტუშის გუნდმა მატჩის 33-ე წუთზე შეძლო – რენატო სანჩესის დარტყმული გრეგორჟ კრიხოვიაკს მოხვდა, რის შემდეგაც ბურთმა მიმართულება შეიცვალა და ბადეში გაეხვია.

90-მა წუთმა ამ მატჩში საუკეთესოს ვინაობა ვერ გამოავლინა. დამატებითმა 30-მა წუთმა კი უგოლოდ ჩიარა, ასე რომ საჭირო გახდა პენალტების სერიის დანიშვნა, სადაც გამარჯვება პორტუგალიელებმა მოიპოვეს – 4-5.

ევრო 2016
მეოთხედფინალი

პოლონეთი – პორტუგალია 

პოლონეთი:ფაბიანსკი; პაზდანი, იერიჩეკი, მაჩინსკი (იოდლევიცი 97′), მილიკი, ლევანდოვსკი , კრიხოვიაკი, გროსიცკი (ბარტოს კაპუსტკა 82′), გლიკი, ბლაშიკოვსკი, პიშეკი.

მთავარი მწვრთნელი: ა. ნავალკა.

პორტუგალია: რუი პატრისიო; პეპე, ფონტე, რონალდუ , ჟოაო მარიო (რიკარდო ქუარეჟმა 80′), ვილიამ კარვალიო (დანილო 95′), რენატო სანჩესი, ნანი, ელისეუ, კედრიჩი, ადრეინ სილვა (ჟოაო მოუტინიო 74′).

მთავარი მწვრთნელი: ფერნანდუ სანტუში.

გოლები: ლევანდოვსკი 2′ – რენატო სანჩესი 33′
გაფრთხილებები: იერიჩეკი 42′, გლიკი 66′, კაპუსტკა 88′ – სილვა 72′, კარვალიო 90+1
მატჩის არბიტრი: ფელიქს ბრიხი (გერმანია)