რობსონ-კანუ: “ამისათვის 8 წლის მანძილზე ვმუშაობდით”
უელსის ეროვნული ნაკრების ფეხბურთელმა, ჰალ რობსონ-კანუმ ბელგიასთან გამართული შესანიშნავი მატჩის შემდეგ (3-1) პრესასთან კომენტარი გააკეთა. შეგახსენებთ, რომ ამ მატჩის მოგებაში მან უდიდესი წვლილი შეიტანა, რამეთუ სწორედ მისი გოლის წყალობით გავიდნენ წინ უელსელები.
“ფანტასტიკურია. დიდებულად ვითამაშეთ, კარგია რომ თამაშში დაბრუნება მოვახერხეთ. ვიცოდით, რომ თუ ისევე ვითამაშებდით, როგორც პირველ ნახევარში, შედეგსაც მივაღწევდით. რთულია შესაფერისი სიტყვების მოძებნა.
ამისათვის ძალიან ბევრს ვმუშაობდით ბოლო 8 წლის მანძილზე.
მათ წინააღმდეგ ბოლო წლებში რამოდენიმეჯერ ვითამაშეთ, ასე რომ ვიცოდით, თუ როგორი მატჩი გველოდა. ყველაფერს გეგმის მიხედვით ვაკეთებდით.
ჩვენ მსოფლიო დონის ფეხბურთელები გვყავს. დაცვაში ისევე მტკიცედ შეგვიძლია დგომა, როგორც ქვას. ეს ყველაფერი კი ჩვენ საკმაოდ კარგ შანსს გვაძლევს.” – განაცხადა უელსელმა შემტევმა.
