მარიო ბალოტელი: “ოქროს ბურთს” მოვიგებ”
“ლივერპულის” თავდამსხმელი მარიო ბალოტელი დარწმუნებულია, რომ კვლავინდებურად ათამაშდება და მეტიც, “ოქროს ბურთსაც” დაისაკუთრებს.
“10-ბალიანი სისტემით საკუთარ თავს 5 ქულაზე შევაფასებ, თუმცა 10 ბალზეც ავალ და “ოქროს ბურთსაც” ავიღებ. მესმის, რომ ბოლო ორ წელიწადში 10 ქულასთან ახლოსაც არ ვყოფილვარ. “ოქროს ბურთზე” ჩემი ამბიციები ბევრს აცინებს, მაგრამ ვიცი, რომ არაფერი არ არის გვიანი.
არ მინდა კარიერა ბოლოს ვფიქრობდე, რომ ვერ გავაკეთე ის, რაც შემეძლო. მანამდე ვიცოდი, რომ თამაში შემეძლო და ამით კმაყოფილი ვიყავი, განვითარებას არ ვცდილობდი.
ბოლო ორ წელიწადში სერიოზულად დავიწყე ვარჯიში, თუმცა ჯერ შედეგი არ არის. შესაძლოა, ეს გასული 23 წლის ერთგვარი საზღაური იყოს. მშვიდად ვარ, რადგან ვიცი, რომ ჩემი დამოკიდებულება სრულიად შეიცვალა”, – ციტირებს ბალოტელის სიტყვებს Footbal Italia.
