გერმანია – საფრანგეთი: სავარაუდო შემადგენლობები, ფაქტები, სტატისტიკა
გერმანია – საფრანგეთი
შეხვედრის ადგილი: მარსელი; “Stade Vélodrome”
შეხვედრის დრო: ხუთშაბათი, 7 ივლისი; 23:00 (მატჩის რეპორტაჟს “საზოგადოებრივი მაუწყებლის” პირველი არხი შემოგთავაზებთ)
მთავარი არბიტრი: ნიკოლა რიცოლი (იტალია)
დღეს, 7 ივლისს ევრო 2016-ის მეორე ნახევარფინალური მატჩი გაიმართება. “სტად ველდორემზე” ერთმანეთს გერმანიისა და საფრანგეთის ეროვნული ნაკრებები დაუპირისპირდებიან – აფიშა მართლაც რომ დიდებულია.
ამ წყვილში გამოკვეთილი ფავორიტი არ არსებობს, თუმცა არსებობს საკუთარი კედლების ფაქტორი – ფრანგი ხალხი “მამლებს” მაქსიმალურ მხარდაჭერას გამოუცხადებენ, ისევე როგორც წინა 5 მატჩში – რომელთაგან ფრანგებმა 4 მოიგეს.
გერმანელების კოზირი კი უცვლელია – მათი მებრძოლი სული. იოაჰიმ ლიოვის გუნდმა ევრო 2016-ზე ჩატარებული 5 მატჩიდან 3 მოიგეს. მეოთხედფინალურ მატჩში კი “ბუნდესნაკრებმა” პენალტების სერიაში დაამარცხა იტალია.
გერმანიის ნაკრების ბოლო 5 მატჩი:
| 02/07/16 | ევჩ. | გერმანია | იტალია | 1:1 პ | |
| 25/06/16 | ევჩ. | გერმანია | სლოვაკეთი | 3:0 | |
| 22/06/16 | ევჩ. | ჩრდ. ირლანდია | გერმანია | 0:1 | |
| 18/06/16 | ევჩ. | გერმანია | პოლონეთი | 0:0 | |
| 14/06/16 | ევჩ. | გერმანია | უკრაინა | 2:0 |
საფრანგეთის ნაკრების ბოლო 5 მატჩი:
| 01/07/16 | ევჩ. | საფრანგეთი | ისლანდია | 5:2 | |
| 25/06/16 | ევჩ. | საფრანგეთი | ირლანდია | 2:1 | |
| 20/06/16 | ევჩ | შვეიცარია | საფრანგეთი | 0:0 | |
| 16/06/16 | ევჩ. | საფრანგეთი | ალბანეთი | 2:0 | |
| 11/06/16 | ევჩ. | საფრანგეთი | რუმინეთი | 2:1 |
ურთიერთშეხვედრები
13/11/15: ამხანაგური მატჩი, საფრანგეთი 2:0 გერმანია
04/07/14: მსოფლიო ჩემპიონატი, საფრანგეთი 0:1 გერმანია
06/02/13: ამხანაგური მატჩი, საფრანგეთი 1:2 გერმანია
29/02/12: ამხანაგური მატჩი, გერმანია 1:2 საფრანგეთი
12/11/05: ამხანაგური მატჩი, საფრანგეთი 0:1 გერმანია
იოაჰიმ ლიოვი: ” შეტევაში ფრანგები ძალიან დიდ ზეწოლას ქმნიან – არა მარტო საჯარიმოში, არამედ მოედნის ცენტრშიც, პოლ პოგბასა და ბლაიზე მატუიდისთან ერთად ეს ძალიან ადვილია. ისინი ბევრ შანსს ქმნიან. შეტევაში კი მათ 3 დიდებული თავდამსხმელი ჰყავთ. ფრანგები ძალიან აგრესიულად შეუტევენ; ისინი მასპინძლები არიან, მათი შეტევა კი შესანიშნავია – ესეც მათი ძლიერი მხარეები.
ჩვენ ერთიანად უნდა ვითამაშოთ, ერთმანეთისათვის; დაცვაში კი მაქსიმალურად კომპაქტურები უნდა ვიყოთ. თუ მათ დიდ სივრცეს მივცემთ, ისინი საკმაოდ სწრაფად და დინამიკურად გამოიყენებენ მას.
არ ვთვლი, რომ ფავორიტები ვართ. ისლანდიის დამარცხების შემდეგ, ისინი ძალიან თვითდაჯერებულები არიან.”
დიდიე დეშამი: “გერმანია ყოველთვის დომინირებდა, ისინი მუდამ ფლობდნენ ბურთს. თუმცა, ჩვენ მხოლოდ დაცვაზე და მათ გამოჭერაზე არ უნდა ვიფიქროთ. უბრალოდ, ჩვენი შესაძლებლობების მაქსიმუმი უნდა გავაკეთოთ. გერმანია მსოფლიოს ჩემპიონია. ამ ტურნირზეც სწორედ ისინი თამაშობენ ყველაზე კარგად.
გოლები უნდა გავიტანოთ და მარტო მანუელ ნოიერის დაჯაბნაზე არ უნდა ვიფიქროთ, მიუხედავად იმისა, რომ ის ბრწყინვალე მეკარეა. ისინი სულ უტევენ, თუმცა გოლებს მაინც არ უშვებენ, რაც მათი გუნდის მაღალ დონეს უსვამს ხაზს.
ისტორიის შეცვლა არავის შეუძლია, თუმცა ისტორია ახალ ტომებს ითხოვს. ჩვენ მსოფლიოს საუკეთესო გუნდს უნდა ვეთამაშოთ.”
გერმანია:
– გერმანიას ნახევარფინალში მარიო გომესისა და სამი ხედირას გარეშე მოუწევს თამაში. დიდი კითხვის ნიშნის ქვეშ იდგა შვაინშტაიგერის თამაშიც, თუმცა ლიოვის თქმით, ის სრულ მზადყოფნაშია. ტონი კროოსის პარტნიორად შესაძლოა ემრე ჯანი, ან იულიან ვაილი ვიხილოთ.
– იტალიელთა წინააღმდეგ, მეოთხედფინალურ მატჩში გერმანელებმა 5 მცველი გამოიყვანეს მოედანზე. სავარაუდოდ საფრანგეთთან მატჩში ლიოვი სხვა ტაქტიკით ითამაშებს. მოსალოდნელია, რომ მიულერმა წინ აიწიოს გომესის არყოფნაში.
– მატს ჰუმელსი დისკვალიფიცირებულია. მას დიდი ალბათობით ბენედიქტ ჰიოვედესი ჩაანაცვლებს დაცვის გულში, მიუხედავად იმისა, რომ “შალკეს” მცველმა გუნდისგან განცალკევებით ივარჯიშა ბოლო ვარჯიშზე.
საფრანგეთი :
– საფრანგეთს ნახევარფინალური მატჩისათვი ადილ რამი და ნ’გოლო კანტე დაუბრუნდა, რომლებმაც ისლანდიასთან გამართული მატჩი დისკვალიფიკაციის გამო გამოტოვეს. მაგრამ, რთული დასაჯერებელია, რომ რამიმ ძირითადში ადგილის დაბრუნება მოახერხოს, მას შემდეგ, რაც სამუელ უმტიტიმ თავი ბრწყინვალედ წარმოაჩინა ისლანდიელებთან მატჩში.
– სამშაბათს გამართული ვარჯიშის გაცდენის შემდეგ, დიდი კითხვის ნიშნის ქვეშ დგას ოლივიე ჟირუს თამაშის საკითხიც, რომელმაც მუხლი დაიზიანა. მართალია, რომ ანტუან გრიზმანთან ერთად საფრანგეთის ნაკრები უკეთ თამაშობდა, თუმცა გრიზმანის სისტემაში ბლაიზე მატუიდისა და კანტეს ადგილი არ არის. გერმანიის ფეხბურთელების დონიდან გამომდინარე, ისეთი ფეხბურთელის გარეშე თამაში, როგორიც კანტეა, დიდ რისკს შეიცავს.
გერმანიის ნაკრების სავარაუოდ შემადგენლობა:
ნოიერი; კიმიხი, ბოატენგი, ჰიოვედესი, ჰექტორი; კროოსი, შვაინშტაიგერი; დრაქსლერი, იოზილი, გიოტცე; მიულერი.
საფრანგეთის ნაკრების სავარაუდო შემადგენლობა:
ლორისი; სანია, უმტიტი, კოშელნი, ევრა; პოგბა, მატუიდი; სისოკო, გრიზმანი, პაიეტი; ჟირუ.
Fanebi.Com-ის პროგნოზი:
გერმანია 2:1 საფრანგეთი
