ლეონიდ სლუცკი: რუსეთი უნდა შეეგუოს, რომ ნაგვები ვართ

რუსეთის ნაკრების აწ უკვე ყოფილმა მწვრთნელმა, ლეონიდ სლუცკიმ აღიარა, რომ უელსთან განცდილი მარცხის შემდეგ (3-0), მთელმა გუნდმა ღამე თეთრად გაათენა, რათა ეს ყველაფერი გაეანალიზებინათ.

“დილის ცხრა საათამდე (უელსთან წაგებული მატჩის შემდეგ), ჩვენ ვაანალიზებდით, თუ რა მოხდა ჩვენს თავს.” – განაცხადა მან sports.ru-სთან მიცემულ ინტერვიუში.

“საბოლოო ჯამში ყველა შევთანხმდით, რომ – “ნაგვები ვართ”. ეს რეალობაა, რომელსაც უნდა შევეგუოთ, რამეთუ სწორი დასკვნების გამოტანა უმნიშვნელოვანესია.

როგორც ალკოჰოლიკების შემთხვევაშია, აღიარება მთავარია – “დიახ, მე ალკოჰოლიკი ვარ” – რაღაცის გამოსასწორებლად ეს პირველი სწორად გადადგმული ნაბიჯია. ყველა ამერიკულ ფილმში, როდესაც ვიღაც იტყვის, “სალამი, მე ალკოჰოლიკი ვარ” ამას ჩვეულებრივ რამედ მივიჩნევთ. თუმცა, სინამდვილეში ეს ყველაზე რთული რამ არის.”