ანჩელოტი: “რონალდუ ნამდვილად მიყვარს, თუმცა ის “ბაიერნში” არ გადმოვა”

მიუნხენის “ბაიერნის” ახალმა თავკაცმა, კარლო ანჩელოტიმ კლუბში ისეთი ფეხბურთელის მოყვანის შანსებზე ისაუბრა, როგორიც კრიშტიანუ რონალდუა.

“მიყვარს რონალდუს პროფესიონალური მიდგომა.

ჟურნალისტები ხშირად მეკითხებიან, თუ რამდენად რთულია ისეთ ფეხბურთელებთან მუშაობა, როგორებიც ის და ზლატანია. სიმართლე ის არის, რომ ეს საკმაოდ ადვილია. ასეთი ტიპის ფეხბურთელებს არაფერი არ უნდა უთხრა. ისინი ისედაც საკმაოდ დისციპლინირებულები და კონცენტრირებულები არიან.

ფეხბურთში ყველაფერი შეიძლება მოხდეს, მაგრამ რონალდუს სხვა კლუბში ხილვის შანსი ძალიან ცოტაა.

რონალდუ ისეთ ფეხბურთელთა რიცხვს მიეკუთვნება, როგორებიც არიან ლიონელ მესი, ფილიპ ლამი, ტომას მიულერი და პაოლო მალდინი, რომელმაც მთელი კარიერა მილანში გაატარა. მათ უბრალოდ არ შესწევთ საკუთარი კლუბის დატოვების ძალა.”