ლეგიონი: კვეკვესკირმა ძირითადში დაიწყო, ”გაბალა” შემდეგ ეტაპზეა

21 ივლისს, ევროპა ლიგის მეორე საკვალიფიკაციო ეტაპის განმეორებითი შეხვედრები გაიმართა. ნიკა კვეკვესკირის ”გაბალამ” ბუდაპეშტის ”მტკ”-ს უმასპინძლა და მეტოქე 2:0 დაამარცხა. ჩვენებურმა მატჩი ძირითად შემადგენლობიდან დაიწყო, თუმცა 79-ე წუთზე ერვინ ჯამალოვმა ჩაანაცვლა.

”გაბალასა” და ”მტკ”-ს შორის პირველი დაპირისპირება აზერბაიჯანული კლუბის გამარჯვებით, 2:1 დასრულდა. აღსანიშნავია, რომ წინა მატჩში საქართველოს ნაკრების წევრმა უნგრული კლუბის კარში გოლის გატანა მოახერხა და თავისი გუნდის წარმატებაში დიდი წვლილი შეიტანა.

ინფორმაციისთვის გეტყვით, რომ შემდეგ ეტაპზე ”გაბალა” ფრანგულ ”ლილს” დაუპირისპირდება. პირველი შეხვედრა 28 ივლისს გაიმართება.