შოთა არველაძე: ”მომდევნო მეტოქესთან დაპირისპირებას ინტერესით ველით”

21 ივლისს, ევროპა ლიგის მეორე საკვალიფიკაციო ეტაპის განმეორებითი შეხვედრები გაიმართა. შოთა არველაძის ”მაკაბიმ” საკუთარ მოედანზე კახა ცხადაძის ”ქაირათი” მიიღო და მეტოქე 2:1 დაამარცხა. ორი მატჩის ჯამში ისრაელის კლუბმა 3:2 გაიმარჯვა და შემდეგი ეტაპის საგზურიც მოიპოვა.

მატჩის შემდეგ, შოთა არველაძე ჟურნალისტების წინაშე წარსდგა და კითხვებს უპასუხა.

”პირველი ნახევარი საკმაოდ კარგად ჩავატარეთ. თავიდანვე შევეცადეთ შეგვეტია. მეორე ტაიმში ბურთი ბევრ მომენტში დავკარგეთ, ეს მიუღებელია. მსგავსი მოქმედებები დაუშვებელია, რადგან მეტოქეს შეუძლია სახიფათო მომენტი შექმნას.

“ქაირათს”საკმაოდ კარგი შემტევები ჰყავს და გოლის გატანაც მოახერხეს. მიუხედავად ამისა, თამაშის შემობრუნება შევძელით. ალბერმანის გოლმა მე და ჩემი გუნდი ძალიან გაგვახარა. მან ძალიან მნიშვნელოვანი და ლამაზი გოლი გაიტანა.

საკმაოდ მოკლე დროში რამდენიმე დამღლელი მგზავრობა გვქონდა, ახლა საჭიროა ფეხბურთელებმა კარგად დაისვენონ. მომდევნო მეტოქესთან დაპირისპირებას ინტერესით ველით. პირველი მატჩი სტუმრად გვაქვს, ეს კი მცირე დასვენებისა და ძალების აღდგენის საშუალებას მოგვცემს”. – ამბობს შოთი.