დღის მთავარი სატრანსფერო ამბები (28 ივლისი)
“შევროლეს” მინიშნება
“მანჩესტერ იუნაიტედის” სპონსორი, “შევროლე” ინსტაგრამზე პოგბას ოფიციალური გვერდის “მიმდევარი” გახდა. რაც მიგვანიშნებს იმაზე, რომ “მანჩესტერ იუნაიტედი” კიდევ უფრო ახლოს არის ფრანგი ნახევარმცველის გადაბირებასთან.
ედი ჰაუ არსენ ვენგერის სანაცვლოდ?
Daily Star საკმაოდ საინტერესო ინფორმაციას ავრცელებს – ლონდონის “არსენალი” არსენ ვენგერთან გამომშვიდობებას აპირებს. ფრანგი სპეციალისტის ჩანაცვლების პასუხისმგებლობა კი სავარაუდოდ “ბორნმუთის” თავკაცს, ედი ჰაუს დაეკისრება.
გვარდიოლას გუნდში სანესა და სტოუნზის მოტყვანა სურს
“სანე “შალკეს” ფეხბურთელია. რა თქმა უნდა, გაგვიხარდება, თუ ის ჩვენს კლუბში გადმოვა. მაგრამ, თუ დარჩენას გადაწყვეტს, ამით “შალკეს” ფანებს გაახარებს.
იგივე სიტუაციაა სტოუნზის შემთხვევაში. ჩვენ ჩვენ საქმეს გავაკეთებთ, ვეცდებით ის გადმოვიბიროთ.”
კარგი ამბავი “სპურსის” ფანებისთვის !
ლონდოსნი “ტოტენჰემის” მთავარმა მწვრთნელმა, მაურისიო პოჩეტინომ, პრესასთან საუბრისას აღიარა, რომ კლუბი უახლოეს მომავალში რამოდენიმე ტრანსფერის განხორციელებას აპირებს – “მომავალ კვირეებში რამოდენიმე ტრანსფერი უნდა განხორციელდეს.”
სიმეონემ ინგლისურ და იტალიურ კლუბებში გადასვლის მზადყოფნა გამოთქვა
“ჯერ კიდევ ახალგაზრდა მწვრთნელი ვარ და ვთვლის, რომ შესაძლებელია კარიერა სხვა ქვეყანაშიც გავაგრძელო. ბევრია ისეთი ჩემპიონატი, რომელიც უამრავ გამოწვევას გვთავაზობს. მაგრამ, მათგან გამოსარჩევია ინგლისური და იტალიური ჩემპიონატები.”
რობსონ-კანუ “სევილიაში” … თუ “ატლეტიკოში”?
Sky Sports-ის მიერ გავრცელებული ინფორმაციის თანახმად, ესპანური “სევილიასა” და “ატლეტიკო მადრიდის” წარმომადგენლები ინგლისში გაფრინდნენ, რათა მოლაპარაკებები ეწარმოებინათ ჰალ რობსონ-კანუს აგენტთან.
“ტოტენჰემი” “ინტერის” ვარსკვლავის გადაბირებას აპირებს
La Repubblica-ს ცნობით, “ინტერის” ვარსკვლავისთვის ბრძოლაში ორი ინგლისური კლუბი ჩაერთო. 23 წლის მარსელო ბროზოვიჩი “ინტერს” მიმდინარე სატრანსფერო ფანჯარაზე შეუერთდა. თუმცა, როგორც ჩანს, “არსენალი” და “ლივერპული”
მზადაა 7 მილიონ ფუნტზე მეტი გადაიხადონ.
“ევერტონმა” სტოუნზის ჩამნაცვლებელი იპოვა
The Sun-მა გვამცნო, რომ “ევერტონის” ახალი თავკაცი, რონალდ კუმანი მზადაა კლუბის დატოვების საშუალება მისცეს ჯონ სტოუნზს, თუ მის სანაცვლოდ 50 მილიონ ფუნტს გადაიხდიან. მის შემცვლელად კი კუმანი ლამინე კონეს მოყვანას აპირებს, რომლის გადაბირებაც დაახლოებით 15 მილიონ ფუნტად არის შესაძლებელი.
