დღის მთავარი სატრანსფერო ამბები (30 ივლისი)
კევინ გაიმეირო “ატლეტიკოს” ფეხბურთელია
“ატლეტიკომ” და “სევილიამ” კევინ გამეიროსთან დაკავშირებით შეთანხმებას მიაღწიეს. 29 წლის ფეხბურთელი რამდენიმე საათში მადრიდულ კლუბში სამედიცინო შემოწმებას გაივლის, შემდეგ კი 4-წლიან კონტრაქტს გააფორმებს – ამ ინფორმაციას “ატლეტიკოს” ოფიციალური ვებ-გვერდი ადასტურებს.
“ბარსელონა” მანჯუკიჩზე გადაერთო
მას შემდეგ, რაც კატალონიური გრანდის სამიზნე, კევინ გამეირო “ატლეტიკოში” გადავიდა, “ბარსელონას” ხელმძღვანელები მარიო მანჯუკიჩზე გადაერთნენ. სავარაუდოდ, მანჯუკიჩს შემტევი ტრიოს, MSN-ის უკან მოუწევს თამაში.
“სევილიამ” ვიეტო არენდით აიყვანა
ესპანურმა “სევილიამ” “როხიბლანკოსთან” ლუსიანო ვიეტოს ტრანსფერის თაობაზე შეთანხმებას მიაღწია – ვიეტო ანდალუსიელთა რიგებში არენდის წესით, ერთი სეზონის მანძილზე ითამაშებს.
პოგბა “მანჩესტერში”? სატრანსფერო საგა დასასრულს უახლოვდება…
18 წლის ჯონათან პერკინსის ფოტოზე ნათლად ჩანს, თუ როგორ აწერს ხელს პოლ პოგბა “მანჩესტერ იუნაიტედის” 6-ნომრიან მაისურს, რომელზეც მისივე სახელი არის დაწერილი.
ლორენტე “სუონსის” უახლოვდება
The Daily Mail: “სუონსის” ხელმძღვანელები ალბერტო პალოშის, ბაფეტამბი გომისისა და ედერის წასვლის შემდეგ, ახალ თავდამსხმელს ეძებენ. ბრიტანული წყაროს ცნობით, უელსური კლუბი ძალიან ახლოსაა “სევილიას” ფორვარდის, ფერნანდო ლორენტეს გადაბირებასთან.
დიეგო კოშტა შესაძლოა, რომელუ ლუკაკუმ ჩაანაცვლოს
The Sun-ის ინფორმაციით, ლონდონის “ჩელსის” ხელმძღვანელები “ევერტონთნ” რომელუ ლუკაკუს ტრანსფერის თაობაზე აწარმოებენ მოლაპარაკებებს. წყაროს ცნობით, იმ შემთხვევაში, თუ ლუკაკუ “სტემფორდ ბრიჯზე” გადავა, “ატლეტიკო მადრიდს” დიეგო კოშტას დაბრუნება 40 მილიონ ფუნტად შეეძლებათ.
ემერი “რეალის” ვარსკვლავის მიმართ ინტერესის არსებობას ადასტურებს
“პარის სენ-ჟერმენის” თავკაცი, უნაი ემერი ადასტურებს “რეალის” თავდამსხმელის, ხესეს მიმართ მისი ინტერესის არსებობას: “მე მას ძალიან კარგად ვიცნობ. ის დიდებული ფეხბურთელია.”
