სოსო ფრუიძე: “წარმატებები “დინამოს” ევროპის ლიგაზე”
დღეს უმაღლესი ლიგის ერთ-ერთ შეხვედრაში “ჩიხურამ” და “დინამომ” ნულოვანი ფრე ითამაშეს.
იმერული გუნდის მწვრთნელმა, სოსო ფრუიძემ მატჩის შემდეგ ჟურნალისტებთან ისაუბრა.
“პირველ რიგში, მე მინდა, ქართული ფეხბურთის ფლაგმანს, თბილისის “დინამოს” ევროპის ლიგაზე წარმატება ვუსურვო. მათი გამარჯვება ევროასპარეზზე ნებისმიერი ქართველის სურვილია.”
“რაც შეეხება შეხვედრას, “დინამოს რამდენიმე კარგი მომენტი ჰქონდა. დიდი მადლობა ჩვენს გოლკიპერს, დინო ჰამზიჩს, რომელმაც გაშვებული გოლისგან გვიხსნა. თბილისური კლუბი თავმოყვარე გუნდია – სადაც არ უნდა იყვნენ, მუდამ პირველ ნომრად ცდილობენ ასპარეზობას. შესაბამისად, “ჩიხურამ” კონტრშეტევებზე ააგო თამაში.”
“ჩვენ გვქონდა რამდენიმე რეალური მომენტი, სადაც ნამდვილად შეიძლებოდა ანგარიშის გახნსა. ეს ვერ გავაკეთეთ. საბოლოოდ, ერთი ქულა პირველ შეხვედრაში “დინამოსთან”, ნამდვილად ძალიან კარგია!” – განაცხადა იმერული გუნდის მწვრთნელმა.
