“რეალმა” სუპერ თასი მოიგო!

დღეს გაიმართა უეფას სუპერ თასის შეხვედრა მადრიდის “რეალსა” და ანდალუსიის “სევილიას” შორის.

მატჩი გარდამავალი უპირატესობით წარიმართა. პირველი გოლი მადრიდელებმა გაიტანეს – 21-ე წუთზე მარკო ასენსიომ ულამაზესი დარტყმით შეძლო სერხიო რიკოს კარის აღება. ამის შემდეგ ანდალუსიელები გააქტიურდნენ და უპირატესობაც მოიპოვეს, რაც მალე გოლში გარდასახეს. თამაშის 41-ე წუთზე ვასკესმა გაათანაბრა.

მეორე ტაიმში ორივე გუნდი უტევდა და ცდილობდა წინ გასვლას. ამის გაკეთება, საბოლოოდ, “სევილიამ” მოახერხა. შეცვლაზე შემოსულმა კონოპლიანკამ 72-ე წუთზე უბადლოდ შეასრულა პენალტი და ანგარიში 1-2 გახადა.

“რეალი” ბევრს ცდილობდა და მაინც გაათანაბრა! ვინ თუ არა სერხიო რამოსი… “ბლანკოსის” კაპიტანმა მეორე ტაიმის მესამე დამატებით წუთზე თავური დარტყმით 2-2 გახადა ანგარიში.

საბოლოოდ, მოერე დამატებით ტაიმში კარვახალმა მოახერხა გოლის გატანა და მის გუნდს 3-2 გაამარჯვებინა!