დღის მთავარი სატრანსფერო ამბები (11 აგვისტო)
Sport Bild: იოზილს გული “სანტიაგო ბერნაბეუსკენ” მიუწევს
Sport Bild-ის მიერ მოპოვებული ინფორმაციის თანახმად, მესუტ იოზილი ლონდონურ “არსენალთან” ახალი კონტრაქტის გაფორმებას მანამდე არ აპირებს, სანამ “რეალში” გადასვლის მიზერული შანსი მაინც ექნება.
ოფიციალურად: ტიმ კეჰილი პირლოს, ვილიასა და ლამპარდს შეუერთდა
“მელბურნ სიტის” ოფიციალური ვებ-გვერდი ადასტურებს ინფორმაციას, რომლის თანახმადაც, კლუბმა “ევერტონის” ყოფილი ნახევარმცველი, ტიმ კეჰილი გადაიბირა. ტიმმა ავსტრალიურ გუნდთან 3-წლიან კონტრაქტს მოაწერა ხელი – პირველი ორი წელი კეჰილი “მელბურნს”, როგორც ფეხბურთელი, ისე მოემსახურება, ბოლო წელი კი როგორც მწვრთნელი.
We are pleased to announce the signing of @Tim_Cahill! #WelcomeCahill #together
???? https://t.co/G0vaCMTPLl pic.twitter.com/qfkOIZEmmC
— Melbourne City FC (@MelbourneCity) August 10, 2016
მუსტაფი “მეთოფეთა” რიგებში ეწერება
16 მაისი: “ბარსელონას” მუსტაფის გადაბირება სურს (Sport)
17 ივლისი: “ჩელსიმ” ყურადღება შკოდრან მუსტაფის მიაქცია (Daily Mirror)
25 ივლისი: “ვალენსიამ” მუსტაფი “მილანს” შესთავაზა (Cadena SER)
27 ივლისი: “ვალენსია” მუსტაფის სანაცვლოდ 25 მილიონ ევროს ითხოვს (Cadena Cope)
28 ივლისი: “არსენალმა” “ვალენსიასთან” მოლაპარაკებები წამოიწყო (Sky Sports)
4 აგვისტო: მუსტაფისთვის ბრძოლაში “ჩელსი” ჩაერთო (BBC Sport)
11 აგვისტო: “არსენალმა” მუსტაფისთან შეთანხმებას მიაღწია
ასე და ამგვარად, სატრანსფერო საგა დასასრულს უახლოვდება – როგორც ჩანს, გერმანელი ფეხბურთელი არსენ ვენგერის გუნდს უახლოეს მომავალში შეუერთდება.
ოფიციალურად: დემიკელისი “ესპანიოლში” გადავიდა
ესპანური “ესპანიოლის” ოფიციალური ვებ-გვერდი ადასტურებს ინფორმაციას, რომლის თანახმადაც, “მანჩესტერ სიტის” 35 წლის მცველი, მარტინ დემიკელისი კარიერას “ესტადიო კორნელიაზე” გააგრძელებს.
Demichelis, nou jugador del #RCDE. ¡Bienvenido, #DemichelisPerico! https://t.co/GnbW2xVueS pic.twitter.com/WMnCcbFl3T
— RCD ESPANYOL OFICIAL (@RCDEspanyol) August 10, 2016
“მანჩესტერ იუნაიტედი” მზადაა, ადნან იანუზაი “სანდერლენდში” გაუშვას
Goal-ის მიერ მოპოვებული ინფორმაციის თანახმად, “მანჩესტერ იუნაიტედის” ხელმძღვანელები ადნან იანუზაის “სანდერლენდში” გაშვებას აპირებენ. მიუხედავად მოიესის სურვილისა, სრული უფლებები მოეპოვებინა ბელგიელ ფეხბურთელზე, “მანჩესტერელები” მხოლოდ მის განათხოვრებაზე დათანხმდნენ.
პელეგრინი ესპანეთს უახლოვდება
Marca-ს ცნობით, ესპანური “ვილიარეალის” ხელმძღვანელები მარსელინიოს დათხოვნას (რომელმაც გუნდი მე-4 ადგილზე გაიყვანა) და “მანჩესტერ სიტის” ყოფილი მწვრთნელის, მანუელ პელეგრინის მიღებას აპირებენ.
