იურგენ კლოპი მატჩის შემდეგ: “შეცდომა დავუშვი, ჩემი ბრალი იყო”

“ემირეიტს სტედიუმზე” გამართული ბრწყინვალე მატჩის შემდეგ, “ლივერპულის” მთავარმა მწვრთნელმა პრესასთან ისაუბრა. ცნობისთვის გეტყვით, რომ “ლივერპული” მატჩს ანგარიშით 1-4 იგებდა, თუმცა, შემდეგ “არსენალმა” ორი გოლის გატანა და მატჩში ინტრიგის დაბრუნება მოახერხა, რაც იურგენს ნამდვილად არ მოეწონა.

“გუნდი ეიფორიაში ჩავარდა, რაშიც დიდი წვლილი მე შევიტანე, რადგანაც არ შეიძლება მეოთხე გოლი ასე აღნიშნო მაშინ, როდესაც მატჩის დასრულებამდე ჯერ კიდევ 35 წუთია დარჩენილი. იმ მომენტში, ჩვენ მანქანები გავცვალეთ. “არსენალმა” წააგო, თუმცა ჩვენ მათ თამაშში დაბრუნების საშუალება მივეცით.

საბოლოო სასტვენის ხმის გაგონებამდე, დასრულებული არაფერია. მთლიანობაში, უნდა ითქვას, რომ გამარჯვება დავიმსახურეთ.

ყოველთვის შეგვიძლია გოლების გატანა და შეგვიძლია თავის უკეთ დაცვაც. ეს პრემიერ ლიგაა და ამ ლიგაში ადვილად ვერაფერს მიიღებ. ადვილი არაფერია.”