სნეიდერი: “საინტერესოა, შემორჩა ჰოლანდიას დიდი ფეხბურთელები?”
დღეს 2018 წლის მსოფლიოს ჩემპიონატის შესარჩევ ეტაპზე ჰოლანდიის ნაკრები პირველ მატჩს ჩაატარებს. ჰოლანდიელები შვედებს სტუმრობენ. საკუთარი მოლოდინი ჟურნალისტებს ჰოლანდიის ნაკრების ერთ-ერთმა ლიდერმა უესლი სნეიდერმა გაანდო.
“შვედეთის ნაკრებთან ჩასატარებელი მატჩი საბერძნეთის ეროვნული გუნდის წინააღმდეგ გამართული შეხვედრისგან (1:2) სრულიად განსხვავებული იქნება. დაშვებული შეცდომებისგან შესაბამისი დასკვნები უნდა გამოვიტანოთ. მსოფლიოს ჩემპიონატი განსაკუთრებული ტურნირია, რომელიც განსაკუთრებულ გრძნობას იწვევს. სწორედ მსოფლიოს ჩემპიონატზე დაუდგათ დიდ ფეხბურთელებს დიდებული დროება. საინტერესოა, ჩვენ რამდენი დიდებული ფეხბურთელი შემოგვრჩა?!
ჰოლანდიის ნაკრები ძველებურად ფავორიტად აღარ ჩაითვლება, თუმცა ყველას უნდა დავანახოთ, რომ ერთიანი გუნდი ვართ. მინდა, გავაგებინო ახალგაზრდა ფეხბურთელებს, თუ რაოდენ მნიშვნელოვანია ეს”, – ციტირებს სნეიდერის სიტყვებს “დე ტელეგრააფი”.
