ბერძნული პრესა: ნიკლას ბენდტნერი ინგლისში ბრუნდება

ბერძნულ პრესაში მიერ გავრცელებული ინფორმაციის თანახმად, საფეხბურთო სამყაროსთვის საკმაოდ ცნობილი ფეხბურთელი, ნიკლას ბენდტნერი ინგლისში ბრუნდება – მისი გადაბირება “ნოტინგემ ფორესტს” სურს.

ბერძენი ჟურნალისტი, ანტონის ოიკონომიდისი ირწმუნება, რომ თავდამსხმელსა და ინგლისურ კლუბს შორის მოლაპარაკებები 3 კვირის განმავლობაში მიმდინარეობდა და რომ, ბენდტნერი “ფორესტში” უფასოდ გადავა.

შეგახსენებთ, რომ 28 წლის ბენდტერის ბოლო გაჩერება “ვოლფსბურგი” იყო, რომელმაც მას კონტრაქტი ამა წლის აპრილში გაუწყვიტა.

თუ მოვლენები ისე განვითარდა, როგორც ბერძნული Sdna.gr იტყობინება, ბენდტერს მის ყოფილ კლუბთან, “არსენალთან” მოუწევს დაპირისპირება, როდესაც “ნოტინგემი” და “მეთოფეები” ერთმანეთს ლიგის თასის ეგიდით გასამართ მატჩში დაუპირისპირდებიან.