მარკ ბარტრა: “არ ვნანობ, “ბარსელონა” რომ დავტოვე”

გერმანულ პრესასთან საუბრისას, მარკ ბარტრამ საკმაოდ საინტერესო განცხადება გააკეთა, რომლის თანახმადაც, ის სულაც არ ნანობს, “ბარსელონა” დორტმუნდის “ბორუსიაში” რომ გაცვალა.

“ახლა, როდესაც ამაზე კარგად დავფიქრდი, მივხვდი, რომ არ ვნანობ, “ბარსელონა” რომ დავტოვე.

საკმაოდ რთული იყო ამ გადაწყვეტილების მიღება – ეს ყველაზე მნიშვნელოვანი გადაწყვეტილებაა ჩემს ცხოვრებაში. “დორტმუნდს” თავიდანვე უნდოდა ჩემი გადაბირება.

ძალიან სასიამოვნოა ის ფაქტი, რომ ერთ დროს “ბარსელონას” ნაწილი ვიყავი, მაგრამ აქ უფრო ვპროგრესირებ, რაც ძალიან მახარებს.

ყველაფერი ძალიან სწრაფად მოხდა. ბევრი ახალი რამ მაქვს სასწავლი, მათ შორის ახალი ენაც. საფიქრალად დრო თითქმის არ მრჩება, რამეთუ წინ ლიგისა და თასის თამაშები გვაქვს.”