ანანიძის მიერ გატანილი ბურთი ტურის საუკეთესო გოლად დასახელდა
თარიღი: სექტემბერი 22, 2016
რუსეთის პრემიერლიგის მე-7 ტურში “ორენბურგის” კარში ჯანო ანანიძის მიერ გატანილი ბურთი ტურის საუკეთესო გოლად დაასახელეს (3:1). ორივე წამყვანი რუსული სპორტული გამოცემის – “სოვეტსკი სპორტისა” და “სპორტ-ექსპრესის” თანახმად, მე-7 ტურში საუკეთესო გოლი ქართველმა ნახევარმცველმა გაიტანა.
“სოვეტსკი სპორტის” გამოკითხვა გულშემატკივრებს შორის ტარდება და აქ ჩვენებურმა ხმათა 65,4 პროცენტი მოაგროვა. “სპორტ-ექსპრესმა” კი ტურის საუკეთესო გოლი გამოცემის ჟურნალისტების გამოკითხვით აირჩია. “სპორტ-ექსპრესის” ხუთიდან ოთხმა ჟურნალისტმა საუკეთესოდ სწორედ ანანიძის გოლი დაასახელა.
შეგახსენებთ, რომ რუსეთის პრემიერლიგის მიმდინარე გათამაშებაში ჯანო ანანიძემ ოთხი მატჩი ჩაატარა და ოთხი გოლი გაიტანა.
მოსკოვის “სპარტაკი” სატურნირო ცხრილს 19 ქულით ლიდერობს.
მსგავსი სიახლეები