ზიდანი: “რონალდუს ყოველთვის უნდა მოედანზე ყოფნა, მაგრამ…”
თარიღი: სექტემბერი 25, 2016
მადრიდის “რეალის” მთავარმა მწვრთნელმა ზინედინ ზიდანმა ესპანეთის პრიმერადივიზიონის VI ტურში “ლას პალმასის” წინააღმდეგ გამართულ მატჩში (2:2) კრიშტიანუ რონალდუ შეცვალა, რამაც პორტუგალიელის უკმაყოფილება გამოიწვია. ფრანგმა სპეციალისტმა ეს გადაწყვეტილება მატჩის შემდეგ განმარტა.
“სამშაბათს მორიგი მატჩი გვაქვს (დორტმუნდის “ბორუსიასთან”). რონალდუმ უნდა დაისვენოს. კარგად ითამაშა, მაგრამ სამშაბათს გასამართ შეხვედრაზე ვფიქრობდი და მისი შეცვლა გადავწყვიტე.
რონალდუს ყოველთვის სურს მოედანზე ყოფნა, მაგრამ მე ჩემს ფეხბურთელებზე უნდა ვიფიქრო, განსაკუთრებით კი – სწორედ კრიშტიანუზე. შეცვლები დროდადრო საჭიროა”, – ციტირებს ზიდანის სიტყვებს “ასი”.
მსგავსი სიახლეები