ტოტი: “რეალში” გადასვლასთან ძალიან ახლოს ვიყავი”

იტალიური “რომას” ლეგენდამ, ფრანჩესკო ტოტიმ, რომელსაც ახლახან 40 წელი შეუსრულდა, კიდევ ერთხელ აღნიშნა, რომ 2003 წელს ის ძალიან ახლოს იყო მადრიდულ “რეალში” გადასვლასთან.

“2003 წელს მადრიდში გადასვლას ვაპირებდი, მიუხედავად იმისა, რომ ესპანეთში არ ვყოფილვარ. მაგრამ, ჩემმა გულმა, მეგობრებმა და ოჯახმა მადრიდულ კარიერაზე უარი მათქმევინა.

მართლა არ ვიცი, როგორ მოვაღწიე აქამდე. ალბათ ეს იმის ბრალია, რომ ფეხბურთთან უდიდესი სიყვარული მაკავშირებს. შემეძლო წავსულიყავი, თუმცა ეს არ გავაკეთე.

მინდა დიდი მადლობა გადავუხადო ჩემს კოლეგებს, სპორტსი ჩაბმულ ყველა ადამიანს, რომლებიც მე ძალიან მეხმარებოდნენ. “