ფრანჩესკო ტოტიმ საუკეთესო “რომაელი” თანაგუნდელი დაასახელა

იტალიური “რომას” ლეგენდამ, ფრანჩესკო ტოტიმ ანტონიო კასანო საუკეთესო ფეხბურთლად დაასახელა, რომელთან ერთადაც ოდესმე “რომას” მაისურით უთამაშია.

შეგახსენებთ, რომ 40 წლის ასაკში მყოფმა ფრანჩესკომ თავისი სიცოცხლის 24 წელი სწორედ რომაულ გრანდს მიუძღვნა – ამასობაში მან რეკორდული რაოდენობის მატჩებში მიიღო მონაწილეობა (764) და ასეთივე რაოდენობის გოლი გაიტანა (306).

რაც შეეხება კასანოს, მსოფლიო ჩემპიონი კასანოსთან ერთად 2001-2006 წლებში თამაშობდა. 2003-04 წლების სეზონში კი ამ ორმა ფეხბურთელმა 34 გოლი შექმნა.

როდესაც საუკეთესო თანაგუნდელზე დაუსვეს კითხვა, ტოტიმ განაცხადა: “ტექნიკურად კასანო, რადგანაც ჩვენ ერთმანეთს ვავსებდით, მოედანზე ერთმანეთის მოძებნა ნებისმიერ მომენტში შეგვეძლო.

მასთან მოედნის გარეთაც საკმაოდ კარგი ურთიერთობა მქონდა.

ჩვენ ვსაუბრობთ არა იტალიის ერთ-ერთ საუკეთესო ფეხბურთელზე, არამედ ევროპის, რადგანაც მისი ნიჭი მართლაც რომ ფენომენალური იყო.

შემდეგ კი მოდიან: გაბრიელ ბატისტუტა და ვინჩენსო მონტელა, რომლებმაც მსოფლიო ფეხბურთი შეცვალეს.” – განაცხადა ტოტიმ.