გიუნდოგანმა “სიტი” “ბაიერნსა” და “დორტმუნდს” შეადარა

“მანჩესტერ სიტის” ახალწვეულმა, ილკაი გიუნდოგანმა, რომელიც ბოლო დროს პეპ გვარდიოლას გუნდის ერთ-ერთი ლიდერის როლშიც გვევლინება, საკმაოდ ხმაურიანი განცხადება გააკეთა.

“სავარჯიშო ცენტრში მოსვლისთანავე გამაკვირვა აქაურობამ. ამ ადგილს “ბაიერნსაც” ვერ შევადარებ. საქმე სულ სხვა ჩემპიონატს და სულ სხვა დონეს ეხება. მაშინვე ვიგრძენი, რომ მსოფლიო დონის კლუბში მოვხვდი, რომელსაც დიდი ამბიციები გააჩნია.

“დორტმუნდისგან” განსხვავებით, აქ მოლოდინი გაცილებით მეტია, ისევე როგორც პასუხისმგებლობა და ზეწოლა. ინდივიდუალიზმს აქ უფრო მეტად აფასებენ, ვინემ დორტმუნდში.

რაც შეეხება ამჟამინდელ მდგომარეობას, მჯერა, რომ პეპმა გუნდში შეუფასებელი რამ გააკეთა. იმედი მაქვს, რომ წინ მრავალი წარმატებული წელი გველის.” – განაცხადა გიუნდოგანმა.