მამუკა გორგოძე: “წაგების უფლება არ გვაქვს”

საქართველოს მორაგბეთა ეროვნული ნაკრების კაპიტანმა, მამუკა გორგოძემ სამოასთან მატჩამდე ერთი დღით ადრე ჟურნალისტებთან ისაუბრა.

“ორივე გუნდი დაახლოებით ერთი სტილით ვთამაშობთ. ორივეს კოზირი ფიზიკური სიძლიერეა და რთული თამაშის მოლოდინში ვარ. ვფიქრობ, შანსები თანაბარია. იაპონიასთან მატჩის სტატისტიკას თუ გადავხედავთ და თამაშსაც გავიხსენებთ, სრულად ვდომინირებდით. როგორც ჩანს, ამ დომინირების ფონზე ყურადღება მოვადუნეთ და ამის გამო დავისაჯეთ. ასეთ თამაშს ათასიდან ერთს თუ წააგებ და ის ერთი მაინცდამაინც ჩვენ დაგვემართა. ხვალ წაგების უფლება აღარ გვაქვს და მაქსიმუმს გავიღებთ სასურველი შედეგის მისაღებად”, – განაცხადა გოროგძემ.

Rugby.GE