ვენგერი: “მეგონა, ჯერარდი 40 წლამდე ითამაშებდა”
თარიღი: ნოემბერი 26, 2016
ლონდონის “არსენალის” მთავარმა მწვრთნელმა არსენ ვენგერმა განაცხადა, რომ სტივენ ჯერარდს თამაში 40 წლის ასაკამდე შეეძლო. შეგახსენებთ, რომ ინგლისელმა ფეხბურთელმა პროფესიული კარიერის დასრულების შესახებ განცხადება ორი დღის წინ გააკეთა.
“მეგონა, რომ ჯერარდი 40 წლამდე ითამაშებდა, მაგრამ მას სახსრებზე გარკვეული პრობლემები შეექმნა. სტივენს ის თვისებები აქვს, რომელზეც ნებისმიერი ნახევარმცველი ოცნებობს. მას გოლების გატანა, პასის გაკეთება, ფეხბურთელის მოტყუება შეუძლია, აქვს კარგი დარტყმა, სისწრაფე, მიზანდასახულობა და მოტივაცია. ჯერარდი დიდებული ფეხბურთელი იყო, რომელიც “ლივერპულის” ერთგული დარჩება. ასეთი ერთგულება თანამედროვე ცხოვრებაში თითქმის აღარ არსებობს”, – ვენგერის კომენტარი “ბიბისიმ” გამოაქვეყნა.
მსგავსი სიახლეები