კლოპი მედიას: “ერთადერთი პრობლემა ისაა, რომ თქვენი მეშინია”

29 ნოემბერს, ინგლისის ლიგის თასზე “ლივერპულმა” საკუთარ მოედანზე “ლიდსი” მიიღო და მეტოქე ანგარიშით 2:0 დაამარცხა. ლივერპულელთა მხრიდან სტუმართა კარი 81-ე წუთზე 17 წლის ბენ ვუდბარნმა დალაშქრა და კლუბის ისტორიაში ყველაზე ახალგაზრდა ფეხბურთელი გახდა, რომელმაც მერსესაიდელთა მაისურით გოლი გაიტანა.

მატჩის დასრულების შემდეგ “ლივერპულის” მთავარმა მწვრთნელმა, იურგენ კლოპმა სწორედ ახალგაზრდა რეკორდსმენის შესახებ ისაუბრა.

“ვიცით, რომ ბენი ნიჭიერია, მან ეს უკვე დაგვანახა. ჩემი მთავარი საქმეა, ამ ბიჭებს დავეხმარო იმაში, რომ საუკეთესოები გახდნენ. მე მისი თამაშით კმაყოფილი ვარ. ერთადერთი პრობლემა ისაა, რომ თქვენი (მედია – ავტ.) მეშინია. აკეთეთ ის, რაც გსურთ, მაგრამ ყველაფერს ნუ დაწერთ – მხოლოდ “გოლის ავტორი: ბენ ვუდბარნი”, – ციტირებს კლოპის სიტყვებს Goal.Com.

იხილეთ ვუდბარნის გოლი