აგუერო ოთხმატჩიანი დისკვალიფიკაციით დასაჯეს, ფერნანდინიო – სამით (ვიდეო)
თარიღი: დეკემბერი 5, 2016
ინგლისის ფეხბურთის ასოციაციამ “მანჩესტერ სიტის” ფეხბურთელები – სერხიო აგუერო და ფერნანდინიო დასაჯა.
არგენტინელ თავდამსხმელს ოთხმატჩიანი დისკვალიფიკაცია მისცეს, ფერნანდინიოს კი სამი შეხვედრის გამოტოვება მოუწევს.
შესაბამისად, ბრაზილიელი ნახევარმცველი “ლესტერ სიტის”, “უოტფორდისა”, და “არსენალის” წინააღმდეგ გასამართ მატჩებს გამოტოვებს, აგუერო კი საკუთარ გუნდს ვერც “ჰალ სიტისთან” გასამართ შეხვედრაში დაეხმარება.
შეგახსენებთ, რომ სერხიო აგუერომ ინგლისის პრემიერლიგის მე-14 ტურში ლონდონის “ჩელსის” წინააღმდეგ გამართულ მატჩში დავიდ ლუისის წინააღმდეგ უხეშად ითამაშა და ფეხბურთელებს შორის ჩხუბის პროვოცირება მოახდინა.
ფერნანდინიომ სესკ ფაბრეგასს ხელი ჰკრა და სარეკლამო ბანერს იქით გადააგდო.
მსგავსი სიახლეები